Оваа недела се приклучуваме кон глобалната кампања за кревање на свеста за антимикробна резистенција. Откривањето на антибиотиците доведе до важен пресврт во историјата на медицината. Нивното воведување го промени начинот на справување со бактериски инфекции, што резултираше со значително намалување на смртноста и на морбидитетот поврзани со бактериски болести. Денешната достапност на антибиотици овозможува превенција и контрола на ширењето на инфекции во заедниците и болниците. За жал, несоодветната употреба на антибиотици може да доведе до појава на резистентни бактерии. Антимикробната резистенција (АМР) се појавува кога микроорганизмите се менуваат или мутираат со текот на времето, достигнувајќи точка каде што веќе не реагираат на лековите кои претходно биле ефективни за нивно лекување. Ситуацијата се влошува бидејќи човештвото сега се соочува со појава на нови бактериски соеви кои се истовремено отпорни на неколку антибиотици. Зголемувањето на антимикробната резистенција е значајна закана за јавното здравје, бидејќи ја загрозува нашата способност ефикасно да ги лекуваме инфекциите. Покрај употребата кај луѓето, земјоделството е исто така значаен фактор за развој на антимикробна резистенција. Според извештајот на Групацијата на Светската банка, најголемиот дел од употребата на антимикробни средства во многу земји се одвива во земјоделскиот сектор, особено во сточарството. Со совесно користење на антибиотиците во сите сфери на опкружувањето, сите ние можеме да придонесеме кон намалување на антимикробната резистенција! Приклучи се и ти! #АлкалоидСкопје #ЗдравјетоПредСе

Денес го одбележуваме Светскиот ден на предвремено родените деца. Со бескрајна грижа, љубов и поддршка, овие мали чуда нè учат дека дури и најмалите чекори можат да водат кон најголеми победи. Овој ден е посветен на малечките борци, нивните семејства и сите здравствени работници што помагаат во олеснување на овој предизвик - вашата храброст нè инспирира секој ден. #АлкалоидСкопје #ЗдравјетоПредСе #ЛуѓетоПредСе

Речиси 50 години, управната зграда на Алкалоид АД Скопје стои како симбол на трајното наследство на нашата компанија и посветеноста на напредокот. Повеќе од само зграда, тоа е обележје што претставува децениска посветеност, иновација и раст. Проектот за управната зграда е изработен во 1973-та год., а главен проектант е инж.арх. Александар Серафимовски од проектанското биро при градежно претпријатие „Илинден“ – Скопје. Нејзината изградба е целосно завршена во 1975год. Согласно урбанистичката поставеност на овој влезен дел на градот, предвиден бил урбанистички препознатлив солитер кој формира заедничка влезна композиција во градот заедно со тогаш ново изградениот хотел „Континентал“ и станбените солитери во населба Автокоманда. Овој објект е проектиран во пост- земјотресно Скопје, преку бранот на модерната архитектура кој е во чекор со актуелните случувања на архитектонската сцена во светски рамки. За надворешно обликување користени се мермер, натур бетон, бакарни табли и стакло, а ентериерното уредување е изведено со најсовремени материјали од 70тите години. Следејќи го тогашниот архитектонски израз, технологиите и материјалите кои се користени ширум светот, реализирано е и ова дело кое остава белег на своето време. Автентичниот надворешен изглед на објектот е задржан и денес. #АлкалоидСкопје #ЗдравјетоПредСе #ЛуѓетоПредСе

Време е вашите садови да заблескаат со Gloss средството за рачно миење на садови! Благодарение на неговата обилна и стабилна пена, Gloss ефикасно ги отстранува и најтврдокорните маснотии, оставајќи ги садовите совршено чисти и со пријатен мирис. Не содржи полифосфати, кои негативно делуваат на човековата околина, а миењето е оптимално дури и со ладна вода! Покрај тоа, нежниот состав не ја оштетува кожата на рацете, така што можете безгрижно да уживате во мирисните ноти на лимон, калинка и камилица. #АлкалоидСкопје #ЗдравјетоПредСе #Gloss